ڈاکٹرمحمد محسن خان

ڈاکٹرمحمد مُحسن خان

انگریزی خبر: سیک ذکیر حسین، ڈاکٹر یاِسِر قاضی

اُردو ترجمہ: عبدالرزاق قادری، معاونت اے۔بی۔مُغل

ڈاکٹر محمد مُحسن خان، قرآن مجید کے ناموَر انگریزی مترجم اورصحیح البخاری کے سب سے پہلے مُسلمان انگریزی مترجم تھے، آپ قندھار، افغانستان سے آئے ہوئے مہاجر خاندان میں 1927ء؁ کو قصور، ہندوستان (موجودہ پاکستان) میں پیدا ہوئے۔ ڈاکٹر مُحسن نے پنجاب یونیورسٹی لاہور سے اپنی میڈیکل اور سرجری (طب و جراحت) کی سند حاصل کی اور پھر یونیورسٹی ہسپتال لاہور میں کام کیا، پِھر وہ انگلستان (برطانیہ، یو۔کے) چلے گئے، جہاں سے اُنہوں نے 1950ءکی دہائی میں چھاتی کی بیماری کا ڈپلومہ، یونیورسٹی آف ویلز سے حاصل کیا۔

اپنی تعلیم مکمل کرنے کے بعد آپ نے سعودی عرب کے بادشاہ کی دعوت پر 1960ء؁ کی دہائی میں نوزائدہ مملکتِ سعودی عریبیہ کے شہر طائف میں وزارتِ صحت میں کام کِیا۔

وہ السعود ہسپتال فار چیسٹ (Chest) ڈِسیزز، میں بطورِ ڈاکٹر تعینات رہے۔ پھر وہ مدینہ شریف میں منتقل ہو گئے، وہاں اُنہوں نےچھاتی کی بیماریوں والے، کِنگز ہسپتال میں بطورِ چیف کام کیا، اور آخر میں اِسلامی یونیورسِٹی مدینہ کے کلینک میں ڈائریکٹر رہے۔

امریکا میں پیدا ہونے والے اِسلامی علوم کے ماہر ڈاکٹر یاسر قاضی ، ڈاکٹر محسن خان کے ترجمۂِ قرآن و بخاری شریف کرنے کی جانب راغب ہونے کی کہانی بیان کرتے ہیں کہ: ”مدینہ میں ایک شاندار خواب میں ڈاکٹر محسن خان نے نبی پاکﷺ کی زیارت سے شرف یابی حاصل کی اور یہ ایک طویل خواب تھا اُ س میں نبی پاکﷺ کا پسینہ مبارک بھی پینے کی سعادت نصیب ہوئی۔ اُنہوں سعودی عرب کے مفتیِٔ اعظم شیخ بن بازسے تعبیر پوچھی جو اُس یونیورسٹی کے مہتم تھے تو مفتی صاحب نے فرمایا کہ آپ کسی طرح سے سُنتِ نبویﷺ کی خدمت کریں گے۔

ڈاکٹر محسن نے کہا کہ، ”مجھے جھٹکا لگا ، کہ میں تو اسلامی تعلیمات کا علامہ نہیں ہو بلکہ میری تعلیم و تربیت طِب کی ہے۔ مُجھے اُس وقت تک اندازہ نہیں تھا کہ میں کیا خدمت انجام دے سکتا ہوں جب تک مُجھے یہ سمجھ نہ آئی تھی کہ میں انگریزی زبان میں رواں تھا اور سب سے اہم اِسلامی مذہبی کام تب تک انگریزی میں پیش نہ کیے گئے تھے“، تو اِس طرح اُنہوں نےاپنی زندگی اِسلامی علوم میں ہرممکن تراجم کرنے لیے وقف کر دی۔“ ڈاکٹر یاسِر قاضی کو یہ باتیں مُحسن خان نے خود بتائی تھیں۔ کیونکہ یاسر قاضی اسلامی یونیورسٹی مدینہ میں تعلیم حاصل کرتے رہے تھے۔

چونکہ آپ عُلومِ اسلامیہ کے ایک ماہر نہ تھے، لہٰذا شیخ بن باز نے شیخ محمد تقی الدین الہِلالی کو ڈاکٹر صاحب کے ساتھ مِل کر یہ کام کرنے کی ذمہ داری سونپ دی۔ شیخ الہلالی مراکش سے آئے ہوئے ایک اِسلامی سکالر تھے،وہ اُن علماء کی جماعت میں سے تھے جنہوں نے سب سے پہلے مغرب (West) میں سے علومِ اسلامیہ کی تعلیم حاصل کی، اُنہوں نے نازی دَورِ حکومت میں جرمنی سے ایچ۔ڈی کی ڈگری حاصل کی تھی۔

ڈاکٹر محسن خان اور شیخ الہلالی دونوں نے مشترکہ طور پر قرآن پاک کا جو ترجمہ کیا اُسے کِنگ فہد پرِنٹننگ اینڈ کمپلیکس آف قرآن سے چھاپا گیا تھا، جہاں سے بقول شخصے ہر سال ایک کروڑ سے زیادہ قرآن مجید شایع کیے جاتے ہیں۔ اُن کا قرآن مجید کا انگریزی ترجمہ ”دی نوبل قرآن“ ہے، جِسے ”ہِلالی۔خان“ ترجمہ بھی کہا جاتا ہے۔اُس کے بعد ڈاکٹر محمد مُحسن خان صحیح البُخاری کا ترجمہ خود ہی کرتے رہے۔

ماشاء اللہ

اب سُنّہ ڈاٹ کام پر بُخاری شریف کا انگریزی ترجمہ وہی ہے جو ڈاکٹر صاحب نے لِکھا۔(فقط۔عبدالرزاق)

ڈاکٹر محسن خان کا وِصال 14 جولائی 2021ء؁ کو 94 برس کی عُمر میں سعودی عرب کے شہر مدینۃ المنورہ میں ہُوا، اور آپ جنت البقیع (قبرستان) میں مدفون ہیں۔

حوالہ جات:

________________

1. https://thecognate.com/dr-muhammad-muhsin-khan-renowned-translator-of-the-quran-and-sahih-al-bukhari-passes-away-at-97/

2. https://youtu.be/KGp3t5FDCKc

فضائل شب برات۔ خدائی بجٹ کی رات

علامہ مفتی محمد ارشد القادری کی ایک کتاب شب برات کے موضوع پر ہے۔ پڑھنے اور ڈاؤنلوڈ کرنے کے لئے درج ذیل لنک پر کلک کرکے استفادہ کیا جاسکتا ہے

Fazail e Shab e Barat by Mufti e Azam Pakistan Allama Arshad Ul Qadri

خود کشی کی حرمت ۔ علامہ مفتی محمد ارشد القادری

حضرت ابوہریرہرضی اللہ عنہ سے روایت ہے رسول اللہ  صلی اللہ علیہ وسلم نے فرمایا جو اپنا گلا گھونٹ کر مرتا ہے وہ جہنم میں اپنے آپ کو گلا گھونٹ کر مارتا رہے گا۔

 جو نیزہ مار کر خو د کو قتل کرتا ہے وہ جہنم میں اپنے آپ کو نیزہ مارتارہے گا(بخاری ،کتاب الجنائز) اس حدیث مبارکہ میں اللہ تعالیٰ کی عطا کردہ ایک بہت بڑی نعمت ’’ زندگی ‘‘ کا ذکر ہے اور جو اس کو خو د ضائع کرڈالے یعنی خو د کشی کرے اس کی سزا بیان ہوئی ہے ۔واقعی زندگی من جانب اللہ ایک بہت بڑی نعمت ہے اور اس نعمت کا کفر ان یقیناًاللہ تعالیٰ کی ناراضگی کا باعث ہے ۔ زندگی نعمت عظمی ہے اس کو خو د ختم کر ڈالنا اپنے اوپر تو ستم ہے ہی ، مخلوقِ خدا پر بھی ظلم کرنے کے مترادف ہے ۔خو دکشی حرام ہے ۔چونکہ زندگی اللہ تعالیٰ کی عطاکر دہ بہت بڑی نعمت ہے اس لیے اس کو خو د اپنے ہاتھوں ختم کر نا گناہ کبیرہ اورعملِ حرام ہے ماناکہ اس جہانِ فانی میں انسان پر بڑے بڑے سخت لمحات آتے ہیں مصا ئب وآلام کے پہاڑ ٹو ٹتے ہیں ظلم و ستم کے دروازے کھلتے ہیں ۔ زندگی کا ایک ایک لمحہ اجیرن ہوجاتا ہے،انسان اپنے ہی ہاتھوں اپنی زندگی ختم کرنے کی سو چنے لگتا ہے مگر صبر و تحمل کا تقاضا یہ ہے کہ ایسے آڑے مو قع پر وہ یہ سمجھے اور باور کرے کہ اللہ تعالیٰ کے محبوب بندوں انبیاء کرام ، صحابہ کرام اور اولیا ء عظام پر اس سے بھی کڑے اوقات آئے ۔ مگر وہ ثابت قدم رہے صبر اور تحمل سے کام لیا ۔ بالآخر اللہ تعالیٰ نے ان پر اپنی کرم نوازی اور مہربانی کے دروازے کھول دیئے اور وہ دین و دنیا میں شاد ہو گئے ۔ یہ جو آئے دن اخبارات میں خودکشی کے واقعات کا تذکرہ آتا ہے اگر ان کا بغور جائزہ لیا جائے تو یقیناًبے صبری کا مظاہر ہ کرتے ہوئے جان دے دینا ۔ حالا ت زمانہ کا مقابلہ نہ کر سکتے ہوئے جان دے دنیا استقلا ل کا دامن چھوڑ کر جان دے دینا کسی کے سر چڑھ کر جان دے دینا بزعم خویش محبت و عشق کے نام پر جان دے دینا اور اس جہاں میں گویا اپنی مثال قائم کرنے کا گماں رکھنا ، یہ سب غلط اور بے سو د ہے اللہ و رسول نے اس کام اور ایسے فعل کو حرام قرار دیا ہے لہذا خو د کشی کرنے سے ہمیشہ اجتناب کرنا چاہیے ہاں اگر مصائب و آلام حدسے بڑھ جائیں اور پیمانہ صبر لبریز ہو جائے تو اہل علم ، علما ء دین اور نیک لو گوں کی صحبت اختیار کی جائے انشا ء اللہ ان دین والوں کی بیٹھک کا اثر یہ ہو گا کہ اس (غموں کے مارے ہوئے ) کا غم کا فور ہو جائے گا۔ اور اس جہان فانی میں کچھ کر جانے ، کوئی نیک کام انجام دے جانے کو جی چاہے گا ۔نعمت عظمی کا کفران :ایک حدیث مبارکہ میں آیا ہے ، رسول اکرم صلی اللہ علیہ وسلم نے فرمایا جب بھی اللہ تعالیٰ سے دعا کرو ، کچھ مانگو تو جنت الفردوس مانگو ، لمبی عمر صحت و تندرستی والی مانگو اور نیکیاں کثیر کرنے کی توفیق مانگو ، زندگی یقیناًایک انمول نعمت ہے اس کی حفاظت ضروری ہے مگر بعض نا عا قبت اندیش قسم کے لو گ دنیا میں ذرا سی ناکامی کے باعث مو ت کے منہ میں جانے کا سو چنے لگتے ہیں۔ مثلا کسی سے عشق ہو گیا اور اس میں ناکامی پر خو د کشی کرنے پر تل جانا اور یہ سمجھنا کہ ہم اس دنیا میں معزز ہوجائیں گے خو د کشی کرنے والے اکثر افراد کا نظریہ یہی ہوتاہے

محبت میں تو ناکام رہے

اب دنیا میں تو نام رہے

سچ یہ ہے کہ اگر محبت اللہ و رسول سے کی جائے تو کبھی ناکامی کا سوال ہی پیدا نہیں ہوتا اللہ اور اس کے رسول کی اطاعت میں ہزاروں نہیں کروڑوں بلکہ لاتعداد بھلائیاں ہیں حضرت علی بن عثمان ہجویری المعروف داتا گنج بخش رحمۃ اللہ علیہ اپنی کتاب کشف المحجوب میں نقل کرتے ہیں ۔حضرت علی بن عثمان ہجویری المعروف داتا گنج بخش رحمۃ اللہ علیہ فرماتے ہیں ۔ ابتداً حضرت عبداللہ بن مبارک ایک نوعمر لڑکی پر فریفتہ ہو گئے ایک رات اپنے ساتھیوں سے اُٹھے اور ایک دوست کو ہمراہ لے کر معشو قہ کی دیوار کے نیچے آکر کھڑے ہوئے محبوبہ وقت مقررہ پر بر سر بام آئی اور صبح تک دونوں ایک دوسرے کے مشاہد ہ میں محو کھڑے رہے ۔ جب آپ نے نماز فجر کی اذان سُنی تو خیال کیا نماز عشا ء کی اذان ہے جب دن روشن ہو او ر آپ کو معلوم ہوا کہ ساری رات تو محبوبہ کے مشاہدہ میں محو ہو کر گزر ی ہے ۔ اس بات سے ان کو ایک سخت تبنیہ حاصل ہوئی او ر د ل میں کہنے لگے اے مبارک کے بیٹے تجھے شرم آنی چاہیے آج ساری رات تو خواہش نفس کے لیے کھڑا رہا اور پھر بھی تو بزرگی چاہتا ہے اور اس کے برعکس اگر امام نماز میں ذرا لمبی سورہ پڑھ لے تو دیوانہ ہو جاتا ہے اس دعوے ہوائے نفس کے مقابلہ میں تیرا دعویٰ ایمان کہاں ؟ چنانچہ آپ نے اسی وقت توبہ کی علم کی تلاش میں مشغول ہوگئے ۔ زہد و دیانت اختیار کی اور آخر کار ایسے بلند مرتبہ ہوئے کہ ایک دفعہ آپ کی والدہ نے باغ میں جاکر دیکھا کہ آپ سو رہے ہیں اور ایک بہت بڑاسانپ نیاز بوکی ٹہنی منہ میں لیے آپ پر سے مکھیاں ہٹا رہا ہے ۔بخاری شریف کی ایک روایت میں ہے :ابوہر یرہ  رضی اللہ عنہ روایت کرتے ہیں نبی کریم  صلی اللہ علیہ وسلم نے فرمایا جب اللہ تعالیٰ کسی بندے کو پسند کرتا ہے تو جبریل علیہ السلام کو آواز دیتا ہے بے شک اللہ تعالیٰ نے فلا ں کو اپنا محبوب بنا لیا ہے تو بھی اُسے یار بنا لے ۔ تو جبریل بھی اسے محبوب بنالیتے ہیں پھر جبریل علیہ السلام تما م اہل آسمان میں اعلا ن کرتے ہیں بے شک اللہ تعالیٰ فلاں کو اپنا محبوب بنا چکا تم بھی اسے محبو ب بنا لو ۔ تو آسمان والے بھی اسے دوست بنالیتے ہیں اور اس سے محبت کرنے لگتے ہیں ۔ پھر دنیا میں اس کی مقبولیت پیدا کر دی جاتی ہے ۔اس حدیث مبارکہ سے ثابت ہوا کہ ولی اللہ بہت مقام و مرتبے کا مالک ہو تا ہے جس سے اللہ محبت کرے ۔ حضر ت جبریل علیہ السلام محبت کریں تمام اہل اسلام محبت کریں اور تمام اہل زمین محبت کریں اس سے بڑھ کر مرتبہ کس کا ہو گا ۔ یہ جو بعض لو گ کہتے ہیں کہ قرآن میں دکھاؤ اللہ نے یہ فرمایا ہو کہ میں ولیوں کا دوست ہوں بھئی یہ بات کرنے والا تو جاہل ہی ہو سکتا ہے ۔ ولیوں کا مقام قرآن کی نص سے ثابت ہے اور ان کی مقبولیت کل کائنات میں ہے ۔ یہ حدیث صحیح ثابت ہے ۔ قرآن کریم سورہ جاثیہ کی آیت نمبر ۱۹ اور بخاری شریف کی حدیث ابھی ابھی آپ نے پڑھی ہے ۔ ایمان سے کہیے کیا اس سے ولیوں کی اللہ کے ہا ں مقبولیت کا ثبوت نہیں ملتا۔ یقیناًملتا ہے۔

مخلوق خدا پر ظلم

خو د کشی کرنے والا اپنے اوپر تو ظلم کرتا ہی ہے اس کے ساتھ ساتھ اس کا یہ عمل مخلوق خدا پر بھی ظلم کرنے کے مترادف ہے وہ ایسے کہ خو د کشی کرنے والے کے ماں باپ ہوں گے ۔ بہن بھائی ہوں گے ۔ دوست یار ہوں گے اور عزیز و اقر باء ہوں گے اس کے مرنے سے جوان سب افرادپر گزرے گی اس کا ذمہ دار بھی یہ خو دکشی کرنے والا ہی ہو گا ۔ اس لیے اگر مو ت خو د کشی سے نہ ہوتی تو مذکورہ بالا سب حضرات پر وہ پر یشانی اور غم والم مسلط نہ ہوتا جو خو د کشی سے مرنے والے کی موت سے ہو گا۔ پھر یہ بھی عین ممکن ہے خو د کشی کرنے والے کے مرنے کے بعد لو گ اس کے دوستوں میں سے کسی کو اس کے گھر والوں میں سے کسی کو یا اس کے عزیز و اقارب میں سے کسی کو مور دِ الزام ٹھہرائیں تو پریشانی اور بڑھ جائے گی ۔ بہر حال ہر مسلمان کو وہ جوان ہو یا بوڑھا خو دکشی جیسی نازیب حرکت سے بچنا چاہیے اگر کوئی کہے کہ تقدیر ایسے ہی تھی تو جواب قلندرِ لاہور سے سنیے

تیرے دریا میں طوفان کیوں نہیں ہے

خو دی تیری مسلماں کیوں نہیں ہے

عبث ہے شِکوہِ تقدیر یزداں

تو خو د تقدیر یزداں کیوں نہیں ہے

خو د کشی کی سزا : جب خو دکشی حرام ہے تو یقیناًاس جُرم کا ارتکاب کرنے والے کو سزا بھی ہو گی ۔ چنانچہ بخاری شریف میں ثابت بن ضحاک  رضی اللہ عنہ روایت کرتے ہیں ۔ رسول اللہ  صلی اللہ علیہ وسلم نے فرمایا جس نے اسلام کے علاوہ کسی اور دین کی عمداً قسم کھائی تو وہ وہی کچھ ہے جو اس نے کہا جس نے خو د کشی کی اپنے آپ کو کسی ہتھیار سے قتل کیا اس کو جہنم میں اسی ہتھیار سے عذاب دیا جائے گا۔حجاج بن منہال نے جریربن حازم ، حسن اور جندب کے حوالہ سے اس مسجد میں بیان کیا کہ نہ ہم بھولے اور نہ ہمیں خو ف ہے کہ جناب رسول اللہ صلی اللہ علیہ وسلم سے جھوٹ روایت کریں گے ایک شخص جو زخمی تھا اس نے اپنے آپ کو مار ڈالا تو اللہ تعالیٰ نے فرمایا میرے بندے نے اپنی جان خو د ہی دے دی ااس لیے میں نے اس پر جنت حرام کر دی ہے ۔ (بخاری ، کتاب الجنائز )

ہاں مسلم شریف کی ایک روایت ہے :۔ حضرت جابر  رضی اللہ عنہ سے روایت ہے ، جب رسول اللہ صلی اللہ علیہ وسلم نے مدینہ کی طرف ہجرت کی تو طفیل بن عمر و  صلی اللہ علیہ وسلم نے بھی ہجرت کی اور ان کے ساتھ ان کی قوم کے ایک شخص نے بھی ہجرت کی ، پھر مدینہ کی ہوا ان کو ناموافق ہوئی وہ شخص جو طفیل کے ساتھ آیا تھا بیمار ہوااور تکلیف کے باعث اس نے کسی ہتھیار سے اپنی انگلیوں کے جو ڑ کاٹ لیے دونوں ہاتھوں سے خو ن بہنے لگا یہاں تک کہ وہ مر گیا ۔ پھر طفیل بن عمر و نے اس کو خو اب میں دیکھا اس کی شکل اچھی تھی مگر دونوں ہاتھوں کو چھپائے ہوئے تھا ۔ طفیل نے پو چھا تیرے ساتھ تیرے رب نے کیا سلوک کیا ؟ اس نے جو اب دیا اللہ نے مجھے بخش دیا اس لیے کہ میں نے ہجرت کی تھی اس کے نبی کی جانب ، طفیل نے کہا کیا وجہ ہے میں دیکھتا ہوں کہ تو نے اپنے ہاتھ چُھپائے ہوئے ہیں ۔ اس نے کہا حکم ہوا ہے کہ ہم ان کو درست نہیں کریں گے جن کو تو نے خو د بگاڑا ہے ۔ پھر یہ خواب طفیل نے رسول اللہ صلی اللہ علیہ وسلم سے بیان کیا۔ آپ نے فرمایا ، اے اللہ اس کے دونوں ہاتھو ں کو بھی بخش دے جیسے تو نے اس کے سارے بدن پر رحم کیا ہے۔ ( مسلم کتاب ایمان ، شرح نو وی) اس حدیث مبارک کی تشریح میں امام نو وی فرماتے ہیں :۔ اس حدیث میں دلیل ہے اس بڑے قاعدے کی جو اہلسنت نے قراردیا ہے کہ جو شخص خو د کشی کر لے یا کوئی اور گناہ کرے پھر تو بہ کیے بغیر مرجائے تو وہ کافر نہیں ہے اور نہ ضروری ہے کہ وہ جہنم میں جائے بلکہ وہ خدا کی مشیت پرہے اور قاعدہ ہے کہ گنہگاروں کو عذاب ہو گا اور گناہوں سے نقصان پہنچتا ہے اس حدیث کی روشنی میں علماء کرام نے خو دکشی کرنے والے کی نماز جنازہ پڑھانے کی اجازت دی ہے بلکہ اللہ سے دعا ہے وہ سب مومنوں کو راہ ہدایت پر قائم رکھے اور اپنے محبو ب صلی اللہ علیہ وسلم کا سچا پکا غلا م بننے کی تو فیق عطافرمائے ۔

آج کا معاشرہ :  آج مسلم معاشرہ جن مشکلا ت سے دو چار ہے وہ کسی صاحب عقل سے پوشیدہ نہیں ہر شخص اپنے نجی مفادت کے تحفظ میں لگا ہے اسے اس بات کی قطعا کوئی فکر ہی نہیں کہ نجی تحفظ کبھی اجتماعی تحفظ کی ضمانت نہیں ہو تا ہاں البتہ اجتماعی تحفظ نجی تحفظ کا ضامن ہو تا ہے ۔ اُمت مسلمہ جب بام عروج پر پہنچی تھی اس وقت وہ احتماعی سوچ ، اجتماعی تحفظ اور اجتماعی مفاد کی حامل تھی اہل ایمان ہمیشہ دوسروں کا خیال کرتے تھے ۔ اللہ تعالیٰ ہمیں بھی دوسروں کے جذبات کی قدرکرنے کی توفیق عطا فرمائے( آمین )

علامہ مفتی محمد ارشد القادری (بانی جامعہ اسلامیہ رضویہ و امیر تعلیم و تربیت اسلامی پاکستان) کی کتاب ”جنت کا راستہ“ سے انتخاب

درست طریقہ جشن عید میلاد النبی منانے کا

یہ جو سال گزرا ہے یعنی اسلامی کیلنڈر کے مطابق 1435 ہجری قمری تھا اس میں شب قدر جو کہ ایک بہت بابرکت رات ہوتی ہے، میں نے لاہور میں عالمگیری، بادشاہی مسجد کو مغربی جانب سے دیکھا وہ دلہن کی طرح سجی ہوئی تھی۔ میرے دل میں کوئی بغض یا نفرت ہرگز پیدا نہ ہوئی۔ لیکن جو لوگ ان دنوں بادشاہی مسجد لاہور میں بطور مذہبی رہنما تعینات ہیں ان کے لئے ایک سوال میرے دل میں آیا اور میں نے ایک میسیج موبائل پر لکھ کر لوگوں کو بھیجا کہ کیا صحابہ کرام رضوان اللہ علیہم اجمعین سے ایسا ثابت ہے کہ انہوں نے کسی بادشاہ (عالمگیر کی طرح کا بادشاہ) کی بنوائی ہوئی مسجد کو شب قدر کو دلہن کی طرح سجایا ہو اور اس طرح خوشی کا اظہار فرمایا ہو۔ میں نے آگے لکھا کہ مجھے اس پر کوئی اعتراض نہیں کہ اگر کوئی مسجد کو سجا کر شب قدر کو مناتا ہے اور خوشی محسوس کرتا ہے۔

 یہ سوال دل میں آنے کی وجہ بڑی واضح اور ایک تنقیدی نکتہ نظر کی وجہ سے تھی کہ دنیا بھر میں مسلمان لوگ بارہ ربیع الاول کو نبی پاک صاحبِ لولاک صلی اللہ علیہ وسلم کا یومِ ولادت اپنے گھر اور مسجدیں سجا کر مناتے ہیں تو کچھ مشہورِ زمانہ سکالرز ان لوگوں کے خلاف جہاد کرنے کی تر غیب دیتے ہیں۔ سکالر کا نام میں لکھ سکتا ہوں لیکن فی الوقت نہیں لکھ رہا اگر کوئی پوچھے گا تو ضرور بتاؤں گا بلکہ وڈیو موجود ہے دکھا بھی سکتا ہوں۔ وہ جناب کہتے ہیں ایک حدیث پاک کا حوالہ دے کر کہ پہلے انبیاء کرام علیہم السلام کے اصحاب یا حواری ہوتے تھے جو ان نبیوں سے دین سیکھ کر لوگوں کو بتاتے ان کے بعد کچھ ایسے ناخلف لوگ آ جاتے تھے جو وہ کام کرنے کا حکم دیتے تھے جو خود نہیں کرتے اور کرتے وہ تھے جس کا حکم ہی نہیں مِلا ہوتا تھا۔ یہ سکالر صاحب اس سے یہ نتیجہ اخذ کرتے ہیں کہ عید میلاد النبی منانے کا حکم نہیں ہے تو حدیث پاک کے مطابق مؤمن وہ ہوگا جو ان کے خلاف جہاد کرے گا قوت سے، زبان سے یا دل سے برا مانے گا جو رائی کے برابر ایمان کی مثال ہے۔۔۔۔۔۔۔۔ آج شام کو میں نے موبائل پر ایک سوال لوگوں کو بھیجا تھا کہ جب بھی مسلمانوں کے مذہبی تہوار ہوتے ہیں تو مسلم ملک میں رہتے ہوئے انہیں دہشت گردی کی زد میں آ جانے کا خدشہ ہوتا ہے۔ یہ خدشات مسلمانوں کو اپنے ممالک میں کن لوگوں سے ہیں؟ کیا دہشت گرد مسلمان ہیں؟ یا کیا مسلمان دہشت گرد ہو سکتے ہیں؟؟؟ ان سوالات کا جواب مجھے ابھی ابھی سکالرز کی وڈیوز دیکھ کر ملا ہے۔ ان میں سے کوئی عید میلاد النبی منانے والوں کے خلاف جہاد کی ترغیب دے رہا ہے۔ اور کوئی دوسرا کہہ رہا ہے کہ اگر ان محافل میں نبی پاک صلی اللہ علیہ وسلم کی شان کو خدا سے بڑھا کر بیان نہ کیا جائے تو ٹھیک ہے! واٹ نان سینس ہی اِز۔ کیا وہ سکالر خدا تعالی کی شان کو محدود مانتا ہے جو کہتا پھرتا ہے کہ معاذاللہ نبی پاک کی شان کو بڑھا کر پیش کِیا جاتا ہے؟ کیا اللہ عزوجل کے بارے میں یہ عقیدہ رکھنا درست ہے کہ اللہ کی شان کی کوئی حد ہوتی ہے۔ کس طرح کی بات کرتے ہیں جناب دانشور! ایک تیسرے صاحب ہیں جو کہتے ہیں کہ عام انسان یا بچے کی سالگرہ منانا مباح یا مستحب یا مکروہ ہے جسے حرام قرار نہیں دیا جا سکتا۔ وہ کہتا ہے کہ لیکن۔۔۔۔۔۔۔۔ انبیاء کرام علیہم کی ولادت کی سالگرہ منانا شِرک کی طرف لے جاتا ہے۔ لیکن اس سکالر صاحب نے اس بات کو واضح نہیں کیا کہ یہ کیسے شِرک کی طرف لے جاتا ہے۔ بس لے جاتا ہے۔ کیونکہ کہہ جو دیا کہ لے جاتا ہے۔ کمال ہے! یہ کیا منطق ہوئی کہ اللہ کے پاک پیغمبر علیہ السلام کی یاد میں ایک دن منانا شِرک کی طرف لے جاتا ہے؟ ان  سکالرز  نےایک بات 'اور' کہی ہے کہ اللہ تعالیٰ کے رسولِ پاک کو روزانہ یاد کرنا چاہئے۔ صرف ایک سالانہ پروگرام ترتیب دینا یہ کیسے ثابت یا ظاہر کرتا ہے کہ آپ عاشقِ رسول ہیں یا اس ایک دن کو منا لینے سے آپ لوگ کہاں سچے اور باعمل مسلمان بن جاتے ہیں۔۔۔۔۔ یہ بات ان کی منطقی ہے۔ بھئی سکالرز صاحبان، احترام کے ساتھ! آپ تو بہت اچھا نکتہ بیان فرما رہے ہیں چلو ایسا کرتے ہیں۔ جن لوگوں کو سال کے بعد صرف ربیع الاول میں نبی پاک کی یاد ، زیادہ آتی ہے وہ 12 ربیع الاول سے پہلے اور چند روز بعد تک جشن منا لیا کریں گے۔ بس آپ ذرا ہمت کیجیے اور دیگر مہینوں میں زیادہ نہیں تو ہر ہفتے کو ایک محفل پاک منعقد کرنے کے لئے کوشش فرمائیے۔ آہستہ آہستہ لوگ آپ کے عمل کو دیکھ کر یہ سمجھنا شروع کر دیں گے ہمیں پُورا سال  اللہ تعالیٰ کا شکر ادا کرتے رہنا چاہیے کہ اس نے ہمیں اپنا محبوب عطا فرمایا اور پیارا دین عطا فرمایا۔ اس میں تو بہت زیادہ ہم آہنگی اور محبتوں کو بڑھانے والی بات پوشیدہ ہے کہ آپ سال بھر اللہ تعالیٰ کا شکر ادا کرنا چاہتے ہیں کہ یا اللہ! تیرا لاکھ لاکھ شکر ہے کہ پیارے آقا حضرت محمد صلی اللہ علیہ وسلم کو اس دنیا میں بھیج کر تُو نے ہم پر احسان عظیم فرمایا ہے۔ اب ہم سال بھر جشن آمدِ رسول منایا کریں گے۔ جس میں نہ صرف نعرے ہوں گے بلکہ اس کا عکس ہماری عملی زندگی سے بھی جھلکے گا۔ ہماری روزمرہ کی حرکات سے بھی۔ ہمارے کاروبارِ حیات سے بھی۔ تو آئیے آج یہ عہد کریں کہ آج کے بعد پورا سال نبی پاک صلی اللہ علیہ وسلم کی یاد میں ہم غریبوں کا بہت خیال رکھیں گے۔ ناداروں اور مفلسوں کی مدد کریں گے۔ ہمسائیوں کے حقوق کا خیال رکھیں گے۔ کسی کا دل نہیں دکھائیں گے۔ ہم عملی مسلمان بن کر دنیا کے لوگوں کو اسلام کی طرف راغب کریں گے۔ اور تجدیدِ عہد پھر اگلے سال ربیع الاول یا رمضان شریف میں کر لیں گے۔ کہ جس طرح سانحہ پشاور، سانحہ واہگہ بارڈر، سانحہ نشتر پارک، سانحہ مون مارکیٹ، سانحہ جامعہ منہاج القرآن، سانحہ راولپنڈی، سانحہ ہزارہ قبائل اور دیگر بہت سے واقعات میں جن لوگوں کا دل دُکھا ہے۔ ہم ان کے غم گسار بن جائیں گے۔ ہم لوگوں کو سُکھ دیں گے۔ پیار دیں گے۔ محبتیں بانٹیں گے۔ ہم اپنی حکومت سے یہ مطالبہ کریں گے کہ اپنی خارجہ پالیسی میں غیر ملکیوں کے ڈرونز کے لئے کوئی گنجائش نہ رکھی جائے ۔ ہم اپنے معاملات خود دیکھ لیں گے۔ اور آئیں آج عہد کریں کہ ہم دہشت گردانہ سرگرمیوں کی روک تھام کے لئے پوُرا سال کوشش کریں گے۔ کیونکہ ہم سارا سال نبی پاک کی یاد میں گزارنا چاہتے ہیں۔ لہٰذا ہم عید، محرم ، شب معراج، شب برات اور دیگر بہت سے مذہبی و غیر مذہبی تہواروں پر شر پسندانہ کارروائیوں کی حوصلہ شکنی کریں گے۔ اور دینی مسائل کے حل کے لئے ایم۔بی۔بی۔ایس ڈاکٹرز کی بجائے دینی علوم کے ماہرین سے رجوع کریں گے اور طبی مسائل کے حل کے لئے ڈاکٹرز یعنی ماہرین طب کی خدمات حاصل کریں گے۔ آئیں آج عہد کریں کہ ہم رشوت دینے والے اور لینے والے کو نبی پاک کا وہ واضح فرمان سُنا کر اس سے روکیں گے جس میں نبی پاک نے راشی اور مرتشی دونوں کو جہنمی قرار دیا ہے۔ اور ہم ملاوٹ کرنے والوں کو بھی وہ حدیث سُنا کر دھوکہ بازی سے باز رہنے کا درس دیں گے۔ جس میں سرکار دو عالم نے فرمایا کہ "وہ ہم میں سے نہیں جو ملاوٹ کرے"۔ اسی طرح ہر شعبہ زندگی اور ہر مرحلے پر دینِ متین کی تعلیمات کی رہنمائی میں سارا سال آقائے دوجہاں کی یاد میں گزاریں گے اور جنہیں صرف سال کے بعد ربیع الاول شریف میں یہ خوشی منانا یاد آتا ہے انہیں اپنے عمل سے بتائیں گے کہ یہ ایک مثالی کردار ہے۔ یہ ہے درست طریقہ جشنِ عید میلاد النبی منانے کا۔

فیوض النبی... تبصرہ امتیاز احمد تارڑ

ایڈیٹر | ڈاک ایڈیٹر

21 مارچ 2014

بک شیلف ……فیوض النبی ؐ کتاب

’’فیوض النّبی شرح جامع ترمذی شیخ الحدیث مفتی محمد ارشد القادری نے ترتیب دی ہے۔ برصغیر پاک وہند میں پہلی مرتبہ اس نوعیت کی کامل اور جامع شرح ترمذی ہے جو اپنے اندر کمال محتاط انداز، عشق رسولﷺ، تحقیق روات، نصائح وعبر اور تحقیقی شرح کا عمدہ اسلوب سموئے ہوئے ہے۔

اس شرح کی تالیف کرتے وقت مصنف نے جّدت زمانہ، عصر حاضر کے جدید تقاضوں، مقتدمین کے نظریات، متاخرین کی آراء اور ملت اسلامیہ کی ضروریات کو مدنظر رکھا ہے۔ حدیث کی تشریح بڑی شرح وبسط کے ساتھ کرتے ہوئے فلاحِ اعمال، اصلاح عقائد کا فریضہ بڑی عمدگی سے سرانجام دیا ہے۔ اس کے ساتھ ساتھ ’’فیوض الّنبی شرح جامع ترمذی ‘‘ میں حقیقی طور پر فیوضات مّحمدیہ اور برکات مصطفویہ کے آثار نظر آتے ہیں جو اسی کا خاصہ ہے کہ مصنف نے حدیث کی شرح کرتے ہوئے حضور آخرالزماں محمد مصطفی ﷺ کے خصائص واختیارات، مقام اہلبیت، صحابہ کرام کے فضائل ومناقب، محاسن ومحامد تابعین اور رواۃ حدیث کے کمالات کو بیان کرتے ہوئے مّحبت رسول کی گل باری کی ہے اور غلامی رسول کا متقضیٰ بیان کر کے اصلاح احوال کے ساتھ وحدت امت کا درس دیا ہے۔’’فیوض الّنبی شرح جامع ترمذی‘‘ کا اسلوب سادہ، شُستہ زبانِ فقہی مسائل کا احاطہ، نصائح کا بیان، رواۃ حدیث کی مکمل تفصیل، عام فہم تشریح، مختلف علوم وفنون کا بیان وضاحت لغات اور لطائف تصوف سے مزیّن ہے۔ کتاب تعلیم وتربیت پبلیکشنز شاہدرہ سے دستیاب ہے۔ دیدہ زیب ٹائٹل کی حامل 11 سو صفحات پر مشتمل کتاب پر اس کی قیمت نہیں لکھی گئی۔ شاید عشاق ِرسول کو بلا ہدیہ پیش کرنے کا ارادہ ہو۔دلچسپی رکھنے والے۔حضرات 042-37962152 پر رابطہ کر سکتے ہیں۔ (تبصرہ : امتیاز احمد تارڑ)

بشکریہ: نوائے وقت

Fuyoodh un Nabi Sharh Jami Al Tirmidhi The book launching ceremony

The book launching ceremony, Urdu Interpretation of Jami` at-Tirmidhi Tirmizi or Tirmidhi or Termezi named Fuyoodh-un-Nabi

(فیوض النبی شرح جامع ترمذی).

Unveiling ceremony will take place In Sha Allah on 6th April 2014 From 10 am 2 pm in Jamia Islamia Razwia Rachna Town, Ferozewala Shahdara, Near Lahore City, Punjab, Pakistan. Fuyoodh un Nabi Sharh Jami Al Tirmidhi (فیوض النبی شرح جامع الترمذی) is an Urdu Book written by Fadhilat u Sheikh Mufti e Azam Pakistan Allama Maulana Muhammad Arshad al-Qadri. It's the first book in Urdu language which is perfected upon the Sharh (Interpretation) of Jami` at-Tirmidhi, generally has been interpreted in a manner understandable. Earlier, the Sharh (Interpretation) of Jami` at-Tirmidhi was written two centuries ago in Persian, now that book is unavailable.


Taleem wo Tarbiyat Publisher, Lahore, Pakistan

حفل إطلاق الكتاب، الأردية تفسير الجامع الترمذي (فیوض النبی شرح جامع ترمذی). سوف تجرى مراسم إزاحة الستار، إن شاء الله، على 6 أبريل 2014، من الساعة 10 صباحا في 02:00 الجامعة الإسلامية الرضویة، راتشنا تاون، شهدارا، بالقرب من مدينة لاهور والبنجاب، باكستان. فیوض النبی شرح جامع الترمذی، هو كتاب الأردية كتبها فضیلة الشيخ، مفتي عام باكستان، العلامة مولانا محمد أرشد القادري. انها أول كتاب في اللغة الأردية التي أتقنت على التفسير الجامع الترمذي، وعموما تم تفسيرها بطريقة مفهومة. في وقت سابق، وكتب التفسير الجامع الترمذي قبل قرنين باللغة الفارسية، والآن هذا الكتاب غير متوفر.

تحریک تعلیم و تربیت اسلامی پاکستان کے زیراہتمام علامہ محمد ارشد القادری کی تصنیف ’’فیوض النبی شرح جامع ترمذی‘‘ کی تقریب رونمائی بروز اتوار 6 اپریل صبح 10 بجے تا دوپہر 2 بجے جامعہ اسلامیہ رضویہ رچنا ٹائون شاہدرہ لاہور میں منعقد ہوگی۔ واضح رہے کہ اردو زبان میں کامل شرح ترمذی کی یہ پہلی کتاب ہے جس میں عام فہم انداز میں تشریح کی گئی ہے۔ قبل ازیں دو صدیاں پہلے فارسی میں شرح کی گئی تھی جو اب دستیاب نہیں

٭ نوائے وقت

٭ فیس بک

٭ اردو وکیپیڈیا

علامہ ارشد القادری کی تصنیف فیوض النبی شرح جامع ترمذی کی تقریب رونمائی 6 اپریل کو ہو گی

لاہور (پ ر) تحریک تعلیم و تربیت اسلامی پاکستان کے زیراہتمام علامہ محمد ارشد القادری کی تصنیف

’’فیوض النبی شرح جامع ترمذی‘‘ کی تقریب رونمائی بروز اتوار 6 اپریل صبح 10 بجے تا دوپہر 2 بجے جامعہ اسلامیہ رضویہ رچنا ٹائون شاہدرہ لاہور میں منعقد ہوگی۔ واضح رہے کہ اردو زبان میں کامل شرح ترمذی کی یہ پہلی کتاب ہے جس میں عام فہم انداز میں تشریح کی گئی ہے۔ قبل ازیں دو صدیاں پہلے فارسی میں شرح کی گئی تھی جو اب دستیاب نہیں

٭ نوائے وقت

٭ فیس بک

٭ اردو وکیپیڈیا