ذکر رمضان شریف
مولوی محمد بخش۔ گلشن رنگیلاؔ لائلپوری (فیصل آبادی)
مولوی محمد بخش۔ گلشن رنگیلاؔ لائلپوری (فیصل آبادی)
پہلا روزہ رمضان دا چند رحمت چڑھیا
کالا منہ شیطان دا، رب سنگلیں کڑیا
دوجا روزہ رمضان دا، در جنت کُھلے
ایس مہینے دی رحمتوں، نیک رہن نہ بُھلے
تیجا روزہ رمضان آیا، جگ دُھماں پیاں
لہندے چڑھدے پیاریا، سب خبراں گیاں
چوتھا روزہ رمضان دا اُٹھ جاگ سویرے
سوہنا رنگ اَسمان دا، پائے رحمت پھیرے
پنجواں روزہ رمضان دا پڑھ پنج نمازاں
راضی کر رحمان نوں لے جنت نازاں
چھیواں روزہ رمضان دا، چھڈ چوری یاری
ترک نہ عیب نوں، قسمت جنہاں دی ماڑی
ستواں روزہ رمضان دا، کر منزل پوری
واہ واہ شان قرآن دا ملے قُرب حضوری
اٹھواں روزہ رمضان دا اُٹھ غفلت چھوڑیں
کیوں نئیں حق پچھان دا، دل رب نال جوڑیں
نوواں روزہ رمضان دا، نِت رحمت تازی
رلنڑ جماعتی شوق تھیں، آ کُل نمازی
دسواں روزہ رمضان دا، ہویا پُورا دھاکا
ایہہ خاص دیدار خُدا دا، ایہنوں سمجھ نہ پھاکا
گیارہ روزے رمضان دے، گیا وقت نہ آوے
کُوچ دے ویلے پیاریا فِر دل پچھتاوے
باراں روزے رمضان دے، ملن باغ بہاراں
روزے داراں واسطے جنت گلزاراں
تیراں روزے رمضان دے تُوں رئیں نہ بُھلا
نیکوکاراں واسطے، در جنّت کُھلا
چوداں روزے رمضان دے، چن رحمت والا
دِل اندر انسان دے کرے نُور اجالا
پندراں روزے رمضان دے، اَدھ ونجلی آئی
صابراں عاشقاں دیکھ کے، ادھی واٹ مُکائی
سولاں روے رمضان دے، سب کاراں چھڈو
وِچ مسیتاں آنڑ کے جھنڈا بندگی گَڈو
ستاراں روزے رمضان دے، سُکھ آون گھڑیاں
روزے داراں واسطے حوراں طالب کھڑیاں
اٹھاراں روزے رمضان دے، اکھیں کھول پیارے
ایہہ مہینہ بندگی، چھڈ ہور پواڑے
اُنّی روزے رمضان دے، کر اللہ اللہ
قبر دے اندر مومناں، ہووے نور تجلیٰ
وِیہہ روزے رمضان دے وت نہ آون تیرا
اِس دُنیا تے پیاریا مڑ مشکل پھیرا
اِکّی روزے رمضان دے، روزے رمز نیاری
اس وِچ عشق جناب دا، کہیا نبی غفاری
بائی روزے رمضان دے، بس تھوڑے رہ گئے
سُن لے رب دے عاشقا، ہُن موڑے پے گئے
تیئی روزے رمضان دے، تُوں باز نہ آیا
پڑھ نماز سیس نوں وچ سجدے پایا
چووی روزے رمضان دے، چڑھ نور دے بیڑے
درجے ملن جناب توں، روزے رکھن جیہڑے
پنجی روزے رمضان دے، ہو پاک گناہوں
بخشش منگ رنگیلیاؔ، ہووے فضل الٰہوں
چھبی روزے رمضان دے، چھپ بیٹھ علیحدہ
نام جہدا اعتکاف ہے، ایہہ ذکر دا قاعدہ
ستائی روزے رمضان دے شب قدر پیاری
دس سو سالاں بندگی، جو جاگے رات ساری
اٹھائی روزے رمضان دے، اُٹھ سرگی کھالے
توبہ کرلے، سوہنیا، دل پاک بنالے
انتی روزے رمضان دے ، اج چند تیاری
خوشیاں روزے داراں نوں ویکھے خلقت ساری
تریہہ روزے رمضان دے چڑھیا چن پیارا
روزے رکھن والیاں ہویا پاک اوتارا
عاشقاں والی رنگیلیاؔ ہوئی منزل پوری
صابراں تے ہور شاکراں ملے قرب حضوری
عید والا دن آگیا، کر غُسل پیارے
پا کے نویں پوشاک نوں کر سیر بازارے
غصے گلے نوں جان دے مل ساریاں یاراں
تیل وی خوشبو لاونی، کیہا شہہِ ابراراںﷺ
صدقہ دیہہ محتاج نوں ہور کُل غریباں
پڑھ درود، رسُولﷺ تے، مِل یار عزیزاں
رل کے نال جماعت دے پڑھ عید پیاری
خطبہ سُن لے بیٹھ کے ہووے رحمت باری
چارے نفل گزار کے فِر منگ دعائیں
آکھ سلام رواں ہو ہر مومن تائیں
خیریں خاتمہ سال ہے، فِر خیریں آوے
کلمہ پاک رسول دا پڑھ بول سناوے
کمپوزنگ: عبدالرزاق قادری
کُوچ دے ویلے پیاریا فِر دل پچھتاوے
باراں روزے رمضان دے، ملن باغ بہاراں
روزے داراں واسطے جنت گلزاراں
تیراں روزے رمضان دے تُوں رئیں نہ بُھلا
نیکوکاراں واسطے، در جنّت کُھلا
چوداں روزے رمضان دے، چن رحمت والا
دِل اندر انسان دے کرے نُور اجالا
پندراں روزے رمضان دے، اَدھ ونجلی آئی
صابراں عاشقاں دیکھ کے، ادھی واٹ مُکائی
سولاں روے رمضان دے، سب کاراں چھڈو
وِچ مسیتاں آنڑ کے جھنڈا بندگی گَڈو
ستاراں روزے رمضان دے، سُکھ آون گھڑیاں
روزے داراں واسطے حوراں طالب کھڑیاں
اٹھاراں روزے رمضان دے، اکھیں کھول پیارے
ایہہ مہینہ بندگی، چھڈ ہور پواڑے
اُنّی روزے رمضان دے، کر اللہ اللہ
قبر دے اندر مومناں، ہووے نور تجلیٰ
وِیہہ روزے رمضان دے وت نہ آون تیرا
اِس دُنیا تے پیاریا مڑ مشکل پھیرا
اِکّی روزے رمضان دے، روزے رمز نیاری
اس وِچ عشق جناب دا، کہیا نبی غفاری
بائی روزے رمضان دے، بس تھوڑے رہ گئے
سُن لے رب دے عاشقا، ہُن موڑے پے گئے
تیئی روزے رمضان دے، تُوں باز نہ آیا
پڑھ نماز سیس نوں وچ سجدے پایا
چووی روزے رمضان دے، چڑھ نور دے بیڑے
درجے ملن جناب توں، روزے رکھن جیہڑے
پنجی روزے رمضان دے، ہو پاک گناہوں
بخشش منگ رنگیلیاؔ، ہووے فضل الٰہوں
چھبی روزے رمضان دے، چھپ بیٹھ علیحدہ
نام جہدا اعتکاف ہے، ایہہ ذکر دا قاعدہ
ستائی روزے رمضان دے شب قدر پیاری
دس سو سالاں بندگی، جو جاگے رات ساری
اٹھائی روزے رمضان دے، اُٹھ سرگی کھالے
توبہ کرلے، سوہنیا، دل پاک بنالے
انتی روزے رمضان دے ، اج چند تیاری
خوشیاں روزے داراں نوں ویکھے خلقت ساری
تریہہ روزے رمضان دے چڑھیا چن پیارا
روزے رکھن والیاں ہویا پاک اوتارا
عاشقاں والی رنگیلیاؔ ہوئی منزل پوری
صابراں تے ہور شاکراں ملے قرب حضوری
عید والا دن آگیا، کر غُسل پیارے
پا کے نویں پوشاک نوں کر سیر بازارے
غصے گلے نوں جان دے مل ساریاں یاراں
تیل وی خوشبو لاونی، کیہا شہہِ ابراراںﷺ
صدقہ دیہہ محتاج نوں ہور کُل غریباں
پڑھ درود، رسُولﷺ تے، مِل یار عزیزاں
رل کے نال جماعت دے پڑھ عید پیاری
خطبہ سُن لے بیٹھ کے ہووے رحمت باری
چارے نفل گزار کے فِر منگ دعائیں
آکھ سلام رواں ہو ہر مومن تائیں
خیریں خاتمہ سال ہے، فِر خیریں آوے
کلمہ پاک رسول دا پڑھ بول سناوے
کمپوزنگ: عبدالرزاق قادری
