جامعہ رضویہ منظر اسلام بریلی میں امام احمد رضا خان قادری کا بنایا ہوا مدرسہ ہے۔یہ ادارہ ان تنظیموں اور اداروں میں سے ایک ہے جو اعلیٰ حضرت امام احمد رضا خان سے منسلک ہیں۔ 1904ء میں اعلٰی حضرت نے بریلی شریف میں جامعہ رضویہ منظر اسلام کی بنیاد رکھی. یہ عظیم مذہبی ادارہ اب تک مسلم دنیا کی خدمت کر رہا ہے۔ ہر سال اس ادارے سے فارغ التحصیل ہونے والے حفاظ قرآن، قراء، عالم اور فاضل گریجویٹ طالب علموں کی ایک بڑی تعداد ہے. جنوبی افریقہ کے علماء میں سے بہت سے جامعہ رضویہ منظر اسلام کے طالب علم ہیں. ان علماء میں سے مولانا عبدالحامد پالمر القادری، مولانا احمدمقدم القادری، قاری احمد خلیل رضوی، مولانا سید محمد حسین القادری، مولانا محمد خان القادری برکاتی، مولانا غلام محی الدین جعفر، مولانا عبدالہادی القادری ، مولانا زین العابدین القادری رضوی، مولانا محمد مستقیم القادری، مولانا محمد آفتاب رضوی اور مولانا نذیر فاروق رضوی کے نام خاص طور پر قابل ذکر ہیں۔
