ایک سال قبل میری ڈائری کا ایک ورق
4 جولائی 2012
آج صبح پونے چار بجے جاگ کر تیار ہوا۔ کھانے کا ٹفن اٹھایا۔ بھاٹی سے وین پر بیٹھ کر کلمہ چوک۔ وہاں سے چنگ چی پر گارڈن ٹاؤن برکت مارکیٹ اپنے دفتر۔ 5:03 صبح کو دفتر میں حاضر ہوا۔ کینیڈا والے طالب علم غیر حاضر تھے۔ ان کی والدہ کے پیغامات بذریعہ موبائل فون موصول ہوئے کہ بچے آج شاید نہ ہی پڑھیں۔ اتنی جلدی جاگ کر جانا اکارت ہوا۔ کیونکہ اس کے بعد 11:30 پر مازن خرم کی کلاس تھی۔ یوٹیوب پر اپنی کل والی مازن کی کلاس کی وڈیو چڑھائی۔ اپنے بلاگ میں سر نعیم قیصر کی ایک تازہ غزل پوسٹ کی۔ مزید بلاگنگ کر کے وہی روز مرہ کے کام۔ ناشتہ۔ کلاسز۔ شام 5:30 بجے واپسی۔ رول نمبر سلپ لینے جامعہ عنایت صدیق گیا۔ استاد صدیق صاحب سے لمبی ملاقات کے بعد گھر واپسی۔ کھانا۔ اب نیند۔
عبدالرزاق
